Технологияларни оптималлаштириш ва сунъий интеллектни (СИ) ривожлантириш натижасида Америка компаниялари ўн минглаб ходимларни ишдан бўшатди. Ишсиз қолган ходимлар сони Чалленгер, Грай & Christmas томонидан ўтказилган тадқиқотда келтирилган, деб хабар бермоқда “РИА Новости”.
2025 йил якунига кўра, 75 мингдан ортиқ киши ишдан бўшатилган. Йил давомида энг кўп қисқартиришлар давлат харажатларини оптималлаштириш доирасида амалга оширилган бўлиб, шу сабабли 293 753 киши ишсиз қолган. Шунингдек, қисқартиришларнинг яна бир кенг тарқалган сабаби бозор шароитлари бўлиб, 253 206 нафар ходим иш жойини йўқотган.
Меҳнат бозорини барқарорлаштириш мақсадида Американинг йирик компаниялари 52 минг кишини ишдан бўшатишга қарор қилган. Амазонъдан UPS’гача бўлган барча йирик компаниялар иш ўринларини қисқартирмоқда.
Financial Times таҳлилчиларининг таъкидлашича, пандемия даврида юзага келган ишга қабул қилиш суръатини пасайтириш учун иш ўринлари қисқартирилиши давом этмоқда. Коронавирус чекловлари пайтида компаниялар ходимлар сонини кўпайтирган эди. Энди эса иқтисодий ноаниқлик ва сунъий интеллектнинг бозорга таҳдиди шароитида фирмалар ходимлар сонини қисқартирмоқда.
