АҚШ Федерал қидирув бюроси агентлари Калифорниядаги банкда одамларни гаровга олган эркакни отиб ўлдирди. Бу ҳақда The Guardian хабар берди.
Номаълум шахс 3 июнь куни Бейкерсфилд шаҳридаги Chase банки биносида ўндан ортиқ фуқаро билан ўзини баррикада қилган. Бакерсфиэлд Now нашри эркакнинг танасига бомба боғланганини маълум қилган. 12 соатдан ортиқ давом этган қаршилик ва кескин музокаралардан сўнг федерал агентлар иштирокидаги отишмада эркак ўтиб ўлдирилган.
“Барча гаровга олинганлар соғ-саломат топилган ва воқеа жойида тиббий кўрикдан ўтказилиб, уларга биринчи ёрдам кўрсатилган”, дейилади Бейкерсфилд полицияси баёнотида.
Ҳуқуқ-тартибот идоралари банкка соат 13:00 атрофида бомба таҳдиди ортидан чақирилганди. Эркак томонидан гаровга олинганларнинг икки нафари расмийлар билан музокаралардан сўнг қўйиб юборилган. Расмийлар бино атрофида кенг хавфсизлик ҳудудини ташкил этиб, яқин атрофдаги мерия ва полиция штаб-квартирасини эвакуация қилган.
Банкка ҳужум қилган шахс 41 ёшли Энтони Скотт Серлс-Ҳаррис экани аниқланган. У 2014-йилда 14 ёшгача бўлган болага нисбатан жинсий жиноятлар содир этиш моддаси билан судланган ва 2018-йилда қамоқдан озод этилган. Шунингдек, Серлс-Ҳаррис армияда тахминан бир йил хизмат қилгани маълум бўлди.
