Ватиканда 25 ноябрь куни янги фармон эълон қилинди. Унга кўра, дунёдаги 1,4 миллиард католик черкови аъзоларига умр бўйи фақат бир киши билан никоҳ қуришга ундалмоқда. Бу ҳақда Reuters хабар берди.
Фармон Рим папаси Лео томонидан маъқулланиб, бир нечта жинсий муносабатлардан воз кечишга урғу берилмоқда. Ушбу ҳужжатда анъанавий никоҳнинг бойлиги ва самарадорлиги таъкидланиб, католиклар бир киши билан турмуш қуришга ва унга содиқ бўлишга ундалмоқда.
Кўп хотинлилик қораланди
Ватикан ҳам черков аъзолари ҳам Африкада кенг тарқалган полигамия (кўп хотинлилик)ни танқид қилмоқда. Черков никоҳ бир эркак ва бир аёл ўртасидаги умрбоқий садоқат эканини таъкидламоқда.
“Ҳар қандай асл никоҳ икки шахсдан иборат бирлик бўлиб, у шундай ўзаро муносабатни талаб қиладики, уни бошқалар билан баҳам кўриш мумкин эмас. Никоҳ бир хил қадр ва бир хил ҳуқуқларга эга бўлган икки инсоннинг иттифоқи бўлгани учун, у мутлақ садоқатни талаб қилади”, дейилади фармонда.
Ҳужжатда баъзи Ғарб мамлакатларида тарқалаётган полиамория (бир вақтнинг ўзида бир нечта одам билан учрашиш/муносабатда бўлиш) каби муносабатлар ҳам муҳокама қилинади. Бошқача айтганда, полиамория, зино, полигамия ва бошқалар иллюзия экани айтилиб, танқид қилинмоқда.
