Халқаро қидирувда бўлган 3 киши Бирлашган Араб Амирликларидан Ўзбекистонга олиб келинди. Бу ҳақда Ички ишлар вазирлиги хабар қилди.
Қайд этилишича, Тошкент ва Абу-Даби Интерпол Миллий Марказий Бюролари ходимлари ҳамкорлиги натижасида оғир жиноятлар содир этган ушбу фуқаролар БАА томонидан Ўзбекистонга топширилган.
Олиб келинган шахслар мамлакатда содир этилган иқтисодий ва мулкий жиноятларга оид айбловлар бўйича қидирувда бўлган. Энди улар суд олдида жавоб беришади.
