Кеча, 28 август куни Тошкент шаҳар Юнусобод туманида электромобилда ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар берди.
Қайд этилишича, соат 02:16 да Тошкент шаҳар Юнусобод тумани, Ғайратий кўчаси 79-уй олдида, электромобиль ёнаётганлиги тўғрисида Тошкент шаҳар ФВББга хабар тушган.
Шунга кўра, қутқарув техникалари айтилган манзилга зудлик билан етиб бориб, ёнғин соат 02:24 да ўчирилган. Ёнғин оқибатида жароҳатланганлар йўқ.
