Қирғизистоннинг Тоқтогул туманида автомобилнинг Чичқон дарёсига тушиб кетиши оқибатида Ўзбекистон фуқароси ҳалок бўлди. Бу ҳақда мамлакат Фавқулодда вазиятлар вазирлигига таяниб, “Sputnik Қирғизистон” хабар берди.
Маълумотларга кўра, воқеа жорий йилнинг 22 июнь куни юз берган. Машинада тўрт киши – уч эркак ва бир аёл бўлган.
“Эркаклар мустақил равишда сувдан чиқиб олишга муваффақ бўлган, 45 ёшли аёлни эса оқим оқизиб кетган. Тўрт кундан кейин қутқарувчилар унинг жасадини топиб, милицияга топширишд”, дейилади хабарда.
