Financial Times нашрининг хабар беришича, Ҳиндистоннинг Ҳиндужа Груп конгломерати раҳбари Гопичанд Ҳиндужа Лондондаги шифохонада узоқ давом этган касалликдан сўнг вафот этди.
Жорий йилнинг май ойида The Sunday Times Британиянинг энг бой одамларининг сўнгги рейтингини эълон қилди. Аввалги йиллардаги каби, Гопи Ҳиндужа рўйхатда биринчи ўринни эгаллади. Газета молиявий ва саноат гуруҳи раҳбари ва унинг оиласининг бойлигини 35,3 миллиард фунт стерлингга баҳолади.
Жаноб Ҳиндужа оилавий бизнесга 1959 йилда қўшилди. Унинг энг муҳим стратегик қарорлари 1984 йилда Американинг Gulf Oil нефт компаниясини ва 1987 йилда ўша пайтда молиявий қийинчиликларга дуч келган Ҳиндистоннинг тижорат транспорт воситалари ва қишлоқ хўжалиги техникаси ишлаб чиқарувчиси Ашок Лейландни сотиб олиш деб ҳисобланган.
Ушбу битимлар Ҳиндужага Ҳиндистон ва Эрон бозорларига йўналтирилган камтарона савдо компаниясидан халқаро саноат конгломератига айланишига ёрдам берди.
