Эрон олий раҳнамоси Оятуллоҳ Али Хоманаий билан хайрлашув маросими Эронда кейинроқ вақтга қолдирилди. Бу ҳақда Исломий тарғиботни мувофиқлаштириш кенгаши раҳбари Саййид Муҳсин Маҳмудий маълум қилди.
Маросим кеча, 4 март куни Имом Хомайний номидаги намоз залида, Теҳрон шаҳрида бошланиши ва уч кун давом этиши режалаштирилган эди.
IRNA маълумотларига кўра, маросимни қолдириш қарори мамлакатнинг турли ҳудудларидан келиб тушган кўплаб мурожаатлар, иштирок этиши кутилаётган одамлар сони миллионлаб бўлиши мумкинлиги ҳамда бу қадар катта оммани қабул қилиш учун зарур инфратузилмани тайёрлаш эҳтиёжи билан боғлиқ.
“Ушбу маросимда иштирок этиш бўйича жуда кўп аризалар келиб тушгани ва одамларни жойлаштириш учун тегишли шароитларни яратиш зарурлиги инобатга олиниб, маросимни янада қулай вақтда ўтказишга қарор қилинди”, дейилади хабарда.
Янги сана кейинроқ эълон қилиниши маълум қилинган.
