Греция ва Албания чегарасидаги сульфидли ғор ичида улкан ер ости ўргимчак колонияси ва гигант қўшма тўр топилди. Бу ҳақда “Live science” хабар берди.
Қайд этилишича, дунёдаги энг катта ўргимчак тўри 100 квадрат метрдан ортиқ майдонни эгаллайди. Ғорга киришдан олдин тахминан 50 метр наридаги ҳудуд доимий қоронғу, йўлак тор ва паст, туби эса сульфидга бой дарё билан қопланган. Баъзи тўр қисмлари ипак ва ўргимчаклар оғирлигидан девордан ажралиб тушган.
Дахшатли манзара ортидаги ўргимчаклар эса унчалик улкан эмас. Аслида, бу тўрни тўқиган ўргимчаклар бир нечта турдан иборат бўлиб, авлодлар давомида биргаликда ҳақиқий ерости қалъасини барпо этишган.
Энг кўп тури Tegenaria domestica (Уй ўргимчаги) – сони тахминан 69 100 тани ташкил қилади. Номидан кўриниб турибдики, Tegenaria domestica кўпинча инсонларга яқин жойларда яшайди. Ушбу ўргимчак тури Болқон ғорларида табиий равишда учрайди. Одатда ўргимчаклар алоҳида-алоҳида тўр қуради, лекин бу сафар бир нечта ўргимчак бир жойда яшаб, катта қўшма тўр барпо қилганини илк бор кўриш мумкин.
Уларнинг бошқа турдош шериклари тахминан 42 400 та Prinerigone vagans. Бу тур Т. domestica’дан кичикроқ ва ёруғлик йўқлиги туфайли Т. domestica’нинг йиртқич инстинктлари ишга тушмайди, шунинг учун ҳам улар бир ғорда тинч яшай олади. Prinerigone vagans илгари колониялар ҳосил қилгани кузатилмаган.
Колония жуда зич бўлиб, ҳар бир квадрат метри бир неча юздан бир неча минггача ўргимчаклар билан қопланган. Жами 110 000 та ўргимчак мавжуд. Шундай бўлса-да, уларнинг сони ўзларининг ўлжаларидан камроқ. Улар йиртқич бўлгани сабабли, энг кўп ўлжа мавжуд бўлган жойларда тўпланади. Ҳар бир ўргимчак учун 200 дан ортиқ кичик чирономид милитсалари мавжудлиги аниқланган. Tanytarsus albisutus туридаги майда ҳашоротлар (жами 2 млн 414 минг 440 индивид) Sulfur Cave’даги attercop колониясини озиқлантиради.
Гигант ва зич ўргимчак тўри ғор тубидаги сульфидли дарё устида жойлашган. Ғорнинг бу қисмига қуёш нури тушмайди, бу эса қуёшсиз ривожланадиган ноёб экотизимни ташкил этган.
