Хитойнинг “Тяньгун” космик станциясида бўлган «Шэньчжоу-21” экипажи қайтиш капсуласига микроскопик космик чиқиндилар урилгани туфайли Ерга қайта олмади. Бу ҳақда “China Manned Space Agency” (CMSA) хабар берди.
Қайд этилишича, жорий йилнинг 5 ноябрь куни уч кишилик “Шэньчжоу-21” жамоасининг Ерга қайтиши режалаштирилган бўлган. Аммо капсула зарарлангани туфайли муҳандислар таъсир таҳлили ва хавф баҳосини олиб борган ва миссия вақтинча узайтирилган, қайтиш санаси эса номаълум муддатга кечиктирилган. Қўшимча маълумот берилмаган.
Экипажнинг қайтиш капсуласига космик чиқиндиларнинг жуда кичик бўлаклари урилгани тахмин қилинмоқда. CMSA зарарнинг қанчалик жиддий эканини ёки капсула таъмир талаб қиладими-йўқми, аниқламаган. Агар капсулани таъмирлаб бўлмаса, протоколга кўра “Шэньчжоу-20” экипажи Ерга “Шэньчжоу-21” орқали қайтади.
Қайд этиш жоиз, “Шэньчжоу-21” дастури одатда олти ойлик миссия учун уч нафар хитойлик астронавтни “Тяньгун” космик станциясига олиб боради ва қайтаради. Улар илмий тажрибалар олиб бориш, станцияни техник хизматдан ўтказиш ва космик чиқиндилар етказган зарарларни тузатиш каби вазифаларни бажаради.
Уларнинг ўрнини босувчи “Шэньчжоу-21” жамоаси жорий йилнинг 1 ноябрь куни станцияга муваффақиятли уланган. Бу экипаж таркибида Чжан Хонгжанг, У Фэй ва Чжан Лу бор. Хитой 2003 йилда бошқариладиган космик парвоз дастурини йўлга қўйганидан буён имкониятларини кенгайтирган, ўзининг космик станциясини қурган ва 2030 йилгача Ойга астронавтларни қўндиришни мақсад қилмоқда.
“Associated Press” ва “Reuters” хабарига кўра, «Шэньчжоу-20” астронавтлари – миссия командири Чен Донг, жанги учувчи Чен Чжунжуй ва муҳандис Ван Жиэ жорий йилнинг апрель ойида олти ойлик навбатчилик учун “Тяньгун” космик станциясига борган. Улар миссиянинг якунига яқинлашганда муаммо юзага келган.
