Америкалик тадбиркор ва миллиардер Илон Маск Европа Иттифоқини тарқатиб юборишга чақирди. Бу ҳақда у ўзининг Х саҳифасида ёзди.
Тадбиркорнинг сўзларига кўра, ташкилот ўзига аъзо давлатларга “ўз халқини тўғри кўрсатиш”га тўсқинлик қилмоқда.
“Давлатлар ўз халқини яхшироқ ифодалаши учун Европа Иттифоқи тугатилиши ва суверенитет алоҳида мамлакатларга қайтарилиши керак”, деб ёзади у.
Маскнинг айтишича, “Европа Иттифоқи бюрократияси Европани секин-аста бўғмоқда”. Маск бир неча бор иттифоқ самарадорлигини танқид қилган ва давлатлар уни тарк этишини таклиф қилган.
Можаронинг сўнгги босқичи Еврокомиссиянинг тадбиркорга қарашли машҳур Х ижтимоий тармоғини 120 миллион евро (тахминан 139 миллион 728 минг доллар) миқдорида жаримага тортиш қарори билан боғлиқ.
