Бугун, 24 июнь куни 20 минг нафар иштирокчи “Андижон полькаси”га рақсга тушиб Гиннес рекордлар китобига кирди. Бу ҳақда Андижон вилояти ҳокимлиги хабар берди.
Қайд этилишича, вилоят марказида 20 минг нафар иштирокчини бирлаштирган “Андижон полькаси” оммавий рақс флешмоби ташкил этилган.
“Ушбу кенг кўламли ташаббусдан кўзланган асосий мақсад – ўзбек миллий рақс санъатини жаҳон миқиёсида кенг тарғиб қилиш ҳамда ушбу кўрсаткич билан Гиннеснинг рекордлар китобига киришдан иборат. Мазкур маҳобатли тадбир Андижон шаҳрининг 2026 йилда “Турк дунёсининг маданий пойтахти” деб эълон қилиниши доирасида ўтказилди”, дейилади хабарда.
Билдирилишича, шу муносабат билан шаҳар марказий майдони ва унга туташ ҳудудлар анъанавий миллий куй-наволар, ранг-баранг жозидор либослар ҳамда махсус саҳналаштирилган маданий чиқишлар билан байрамона тус олган.
Бунгача Намангандаги гуллар фестивали ҳам Гиннесс рекордлар китобига киритилганди.
