Бугун, 5 март куни Эрон ракетаси Озарбайжоннинг Нахичевон Мухтор Республикаси ҳудудидаги аэропортга қулаб тушди. Бу ҳақда “Azernews” нашри хабар берди.
Қайд этилишича, ҳозирча Озарбайжон Мудофаа вазирлиги ва бошқа расмий идоралардан бу хабарга расмий тасдиқ берилмаган.
Ижтимоий тармоқларда тарқалган видеоларда аэропорт атрофида портлашлар акс этган бўлиб, фойдаланувчилар ушбу ҳудуд Эрон, АҚШ ва Исроил ўртасидаги таранглик фонида нишонга олинганини иддао қилмоқда.
Нахичевон Озарбайжоннинг Эрон, Туркия ва Арманистон билан чегарадош эксклави бўлиб, Жанубий Кавказда стратегик жиҳатдан муҳим ҳудуд ҳисобланади. Агар бу ҳодиса тасдиқланса, минтақавий хавфсизлик ва сиёсий вазиятга сезиларли таъсир кўрсатиши мумкин.
Озарбайжон расмийлари ҳозирча тарқатилган видеолар ва аэропорт яқинидаги таъсирга оид хабарларга изоҳ бермаган. Вазиятни баҳолаш ва маълумотларни тасдиқлаш ишлари давом этмоқда, қўшимча тафсилотлар яқин вақт ичида эълон қилиниши кутилмоқда.
