Бугун, 27 апрель куни соат 08:54 да Фарғона вилояти, Қўқон шаҳар “Бўстон” МФЙ Усмон Носир кўчасида жойлашган хўжалик моллари дўконида ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, ёнғин тўғрисида 112 тизими орқали хабар келиб тушган.
Ёнғин юзага келган жойга 5 та қутқарув бўлинмалари соат 08:57 да етиб бориб, ёнғин соат 09:01 да ўраб олинган ва соат 09:07 да тўлиқ бартараф этилган.
Ҳабарга кўра ёнғин оқибатида тан жароҳати олганлар аниқланмаган. Ёнғиндан дўконнинг 400 квадрат метр майдони сақлаб қолинган. Ҳозирда ёнғин сабаби ва зарари аниқланмоқда.
