Бугун, 5 август куни Миробод тумани Эски Отчопар кўчасида жойлашган омборхонада ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар берди.
Маълум қилинишича, соат 12:58 да Миробод тумани Эски Отчопар кўчасида жойлашган омборхонада ёнғин бўлаётгани тўғрисида Тошкент шаҳар ФВББга мурожаат келиб тушган.
Хабарга асосан ёнғин-қутқарув экипажлари зудлик билан етиб бориб, ёнғин соат 13:17 да ўчирилган.
Қайд этилишича, тан жароҳати олганлар тўғрисида хабар келиб тушмаган.
