Ўзбекистон фуқаролари биринчи марта ID карта олаётганида электрон рақамли имзо сертификати карта чипига бепул киритилади. Бу ҳақда президентнинг 19 январдаги қарорида белгиланди.
Ҳужжатга кўра, мазкур тартиб 2026 йил 1 февралдан бошлаб кучга киради. Бундан ташқари, фуқаролар “Электрон ҳукумат” тизими фойдаланувчиларини идентификациялаш ягона ахборот тизимида автоматик тарзда бепул рўйхатдан ўтказилади.
Қарор билан 2026 йил 1 майдан бошлаб Ички ишлар вазирлиги ҳузуридаги Миграция ва персоналлаштириш департаменти ва унинг ҳудудий бошқармаларига Ўзбекистонга электрон кириш визаси асосида кириб келган чет эл фуқаролари ва фуқаролиги бўлмаган шахсларнинг электрон визаларининг амал қилиш муддатини бир маротаба 30 кунгача узайтириш ҳуқуқи берилади.
