Фарғона вилояти Қўқон шаҳридаги кўп қаватли уйда 25 февраль куни содир бўлган портлашда бир киши ҳалок бўлди. Бу ҳақда ФВВ хабар берди.
Қайд этилишича, қутқарувчилар томонидан воқеа оқибатларини бартараф этиш жараёнида жисмлар остидан бир нафар фуқаронинг жасади топилган. Унинг шахсига аниқлик киритилмаган.
Эслатиб ўтамиз, чоршанба куни соат 14:47 да ФВБга тумандаги “Бўстон” МФЙда жойлашган кўп қаватли уйда чақнаш содир бўлиб, унинг оқибатида ёнғин бўлаётгани тўғрисида хабар келиб тушган.
Шунга асосан, қутқарув бўлинмалари айтилган манзилга етиб борган. Ёнғинни бартараф қилиш чоралари кўрилган. Вазият назоратга олингани билдирилган.
