Россиянинг Амур вилояти Шимановский туманида 16 февраль куни 4 нафар ўзбекистонлик иштирокида ҳалокатли йўл транспорт ҳодисаси юз берди.
Маълум бўлишича, ҳодиса маҳаллий вақт билан 13:30 атрофида Амур йўлининг 1324-километрида рўй берган. Воқеада Toyota Harrier ҳайдовчиси қарама-қарши йўналишга чиқиб кетиб, бензин ташувчи автомобиль билан тўқнашган. Оқибатда Toyota автомобильи ҳайдовчиси ва уч нафар йўловчиси воқеа жойида ҳалок бўлган.
Таъкидланишича, қурбонлар Самарқанднинг Каттақўрғон шаҳридан бўлган. Улар Россиянинг Владивосток шаҳрига қараб йўлга чиққан эди. Ҳозирда воқеа жойида полиция ходимлари изланиш олиб бормоқда ҳамда тафсилотлар аниқланмоқда.
