Бугун, 14 июнь куни Фарғона вилояти Ўзбекистон туманида 18 ёшли аёл бошқарувидаги Ласетти ва юк машинаси ўртасида авария юз берди. Бу ҳақда вилоят Йўл ҳаракати хавфсизлиги бошқармаси маълум қилди.
Воқеа тафсилотига кўра, 2008-йилда туғилган ҳайдовчи Р.Н (аёл) Lacetti-2 автомобилида қувиб ўтиш қоидасига амал қилмай қарама қарши йўналишга ўтган. Кейин ўз йўналишида ҳаракатланиб келаётган 1973-йилда туғилган Р.О. бошқарувидаги Фаw тигер юк машинаси билан тўқнашган.
“Оқибатда Lacetti-2 русумли автомобил ҳайдовчиси Р.Н. (аёл) ва автомобилда бўлган 2007 йилда туғилган йўловчи З.Ш. шифохонада вафот этган”, дейилади бошқарма хабарида.
Ҳозирда ҳолат юзасидан туман ИИБ томонидан терговга қадар текширув ҳаракатлари олиб борилаётгани билдирилган.
