АҚШнинг Род Айленд штатидаги Браун университетида содир бўлган отишмада ўзбекистонлик талаба Муҳаммадазиз Умурзоқов ҳалок бўлди. Бу ҳақда ташқи ишлар вазири матбуот котиби Ахрор Бурхонов хабар берди.
“Марҳумнинг оила аъзолари ва яқинларига чуқур ҳамдардлик билдирамиз. Мазкур фожиа натижасида бегуноҳ инсонларнинг ҳаётдан кўз юмгани барчамиз учун оғир йўқотишдир”, деб ёзди у.
Вазирлик вакилининг билдиришича, Ўзбекистоннинг АҚШдаги ваколатхоналари вакиллари марҳумнинг қариндошлари билан доимий алоқада бўлиб, АҚШнинг тегишли идоралари билан ҳамкорликда барча масалалар юзасидан яқиндан иш олиб бормоқда.
Отишма 13 декабрь куни Муҳандислик ва физика факультети жойлашган етти қаватли Барус + Holley биносида содир бўлганди. Қора кийимдаги номаълум шахс Провиденс шаҳридаги университетга имтиҳонлар пайтида ҳужум қилган. У икки кишини отиб ўлдирган, саккиз кишини яралаган.
Ушбу фожиа ортидан Ўзбекистон Ташқи ишлар вазирлиги марҳумнинг оила аъзолари ва яқинларига чуқур ҳамдардлик билдирди. Шунингдек, Ўзбекистон Республикасининг АҚШдаги ваколатхоналари вакиллари марҳумнинг қариндошлари билан доимий алоқада бўлиб, АҚШнинг тегишли идоралари билан ҳамкорликда барча масалалар юзасидан яқиндан иш олиб бораётгани маълум қилинди.
Отишмани содир этишда гумонланиб 24 ёшли Бенжамин Эриксон қўлга олинган. У АҚШ Қуролли кучларида ҳарбий бўлган ва снайперлик тайёргарлигидан ўтгани ҳақида маълумотлар бор.
