2026 йилда бўлиб ўтадиган футбол бўйича Жаҳон чемпионатида иштирок этадиган энг яхши 100 футболчи рўйхати эълон қилинди. “The Athletic” нашри тузган рўйхатдан Ўзбекистон миллий терма жамоаси ва “Манчестер Cити” ҳимоячиси Абдуқодир Ҳусанов ҳам ўрин олган.
Рейтинг бешта асосий мезон асосида шакллантирилган. Футболчиларга ҳар бир мезон бўйича бирдан бешгача балл берилган ва якуний натижа ушбу балларнинг йиғиндиси орқали аниқланган:
- Жорий форма FotMob рейтинглари асосида;
- аввалги ўйинлари ва ютуқлари;
- терма жамоа учун аҳамияти;
- бозор қиймати Transfermarkt маълумотларига кўра, (бу мезон ярми вазнга эга, чунки ёши каттароқ футболчиларнинг қиймати табиий равишда паст бўлади, аммо бу уларнинг Жаҳон чемпионатидаги таъсирини камайтирмайди);
- EA Sports FC 26 футбол симуляциясидаги рейтинги.
Рейтингнинг биринчи ўрнида Килиан Мбаппе қайд этилган. Иккинчи ўринни Норвегия терма жамоаси ҳужумчиси Эрлинг Ҳоланд эгаллаган. Энг кўп вакилга эга мамлакат эса 12 футболчи билан Франция бўлмоқда. Ундан кейин эса тўққиз нафар футболчиси билан Бразиля терма жамоаси ўрин эгаллаган. Ушбу рўйхатда Ўзбекистон миллий терма жамоаси ҳимоячиси Абдуқодир Ҳусанов 86-ўринни эгаллаган.
Топ-10лик қуйидагича:
1. Килиан Мбаппе (Франция);
2. Эрлинг Ҳоланд (Норвегия);
3. Ламин Ямаль (Испания);
4. Ҳарри Кейн (Англия);
5. Педри (Испания);
6. Жуд Беллингем (Англия);
7. Винисиус Жуниор (Бразилия);
8. Лионель Месси (Аргентина);
9. Кевин де Брюйне (Бельгия);
10. Жанлуижи Доннарумма (Италия).
