Фарғона вилояти Қўқон шаҳридаги кўп қаватл уйда 16 февраль куни газ портлади. Бу ҳақда вилоят ФВБ ахборот хизмати хабар берди.
Қайд этилишича, ёнғин-қутқарув экипажлари воқеа жойига соат 21:23 да етиб бориб, 21:25 да ёнғинни ўраб олди ва 21:32 да тўлиқ бартараф этди. Дастлабки маълумотларга кўра, ҳодиса газ-ҳаво аралашмасининг портлаши оқибатида содир бўлган.
Портлаш оқибатида 28-уйнинг 50 квадрат метр майдондаги том ва шифт қисми ҳамда уй жиҳозлари ёнган. Ҳодиса оқибатида 4 нафар фуқаро турли даражада куйиш тан жароҳати олиб, шаҳар тиббиёт бирлашмасига ётқизилган.
Кўрсатилган тиббий ёрдамга қарамай, жабрланганлардан бири шифохонада вафот этган. Ҳозирда ҳодиса сабаблари аниқланмоқда.
