Таниқли ҳофиз Раҳматилло Юсупов 44 ёшида вафот этди.
Хонанда Раҳматилло Юсупов 1981 йил, 15 сентябрь куни, Фарғона вилоятида туғилган. Оилали, икки фарзанднинг отаси. Унинг ижодида 100 дан ортиқ муаллифлик қўшиқлари бор. Унинг “Кетгим келмаяпти онажон”, “Келинчак” каби қўшиқлари айниқса машхурдир. Хонанда Раҳматилло Юсупов ижод йўли, имижи, қўшиқлари Охунжон Мадалиевга жуда ҳам ўхшагани сабабли мухлислари уни “иккинчи Охунжон Мадалиев” деб эътироф этган.
Раҳматилло Юсуповнинг касаликка чалиниши
Унинг сўзларига кўра, коронавирус чалинганидан сўнг уни бел оғриғи безовта қилган. Бир неча кунда ҳам оғриқ қолмагач, шифокорга кўринган. Улар текшириб, “грижа” ташхисини қўйган. Шундан сўнг жаррохлик операцияси қилишга рози бўлган. Муолажадан кейин уйига қайтган. Бироқ орада бир неча ой ўтса ҳам шифокорлар айтганидек соғайиб кетмаган.
Бошқа шифохонага бориб текширтирганида ташхис “грижа” эмас, шунчаки шамоллаш бўлгани аниқлашган. Аввалги шифокорлар операцияда Раҳматилло Юсуповнинг нерв томирларни билиб-билмай, тушуниб-тушунмай кесиб қўйган.
Ундан хол сўрашган борган Ўзбекистон халқ шоири, жамоат арбоби Иқбол Мирзо воқеадан хабар топгач уни Тошкентга – жиддий текширувга олиб келган. Шифокор икки-уч кун обдон текшириб, энди кеч бўлганини, тузатишнинг иложи йўқлигини айтган.
“Буларни судга бериш керак! Қамоққа тиқиш керак”, деган Иқбол Мирзо. Раҳматилло Юсупов эса “Судда ютиб чиққанимиз билан… Барибир мени тузатиб юборишолмайди-ку… Қолаверса, уларнинг ҳам бола-чақаси бордир… Уларнинг ризқини қийишнинг нима кераги бор…”, дея жавоб берган.
Раҳматилло Юсупов узоқ давом этган ҳасталикдан сўнг 27 декабрь куни вафот этди.
