Кеча, 28 июнь куни Самарқанддаги бинолардан бирида ёнғин содир бўлди. Бу ҳақда вилоят Фавқулодда вазиятлар бошқармаси хабар берди.
Маълум қилинишича, соат 16:02 да Самарқанд шаҳри “Кўк масжид” МФЙ, Даҳбет кўчасида жойлашган бинолардан бирининг том қисмида ёнғин содир бўлаётгани тўғрисида вилоят ФВБга хабар келиб тушган.
Шунга кўра, ёнғин-қутқарув экипажлари воқеа жойига соат 16:07 да етиб бориб, соат 16:50 да ёнғин тўлиқ бартараф этилган.
Билдирилишича, ҳодиса оқибатида жабрланганлар йўқ. Ҳозирда ёнғин сабаби ва моддий зарар миқдори аниқланмоқда.
