Польша президенти ядровий лойиҳага қўшилиш эҳтимоли ҳақида баёнот берди

Польша президенти Карол Навроцкий унинг мамлакати ядровий лойиҳага қўшилиши тарафдори эканини айтди. Бу ҳақда сиёсатчи Polsat News телеканалига берган интервьюсида маълум қилди.

Навроцкий халқаро беқарорлик ва ноаниқлик шароитида Польша “барча халқаро меъёрларга риоя қилган ҳолда” иш бошлаши кераклигини айтди.

More stories

Президент шоир Усмон Азимга 3 хонали уй совға қилди

13 ноября 11:55

Польша Россиянинг разведка самолётини тутиб олди

31 октября 09:59

Туркия президенти парламентдаги жанжалга муносабат билдирди

13 февраля 11:00

Дональд Туск: Польша Евроиттифоқдан чиқиб кетиши мумкин

16 марта 15:26

“Биз қуролли можаролар чегарасида турган давлатмиз. Тажовузкор, империячи Россия федерациясининг Польшага муносабати қандайлиги маълум”, деди Навроцкий.

​У Польша хавфсизлигини “ҳатто ядро салоҳиятига таяниб бўлса ҳам” мустаҳкамлаш тарафдори эканини таъкидлади. Шунингдек, Польша ядро дастури устида иш бошласа, Москва қандай чоралар кўриши мумкинлиги ҳақидаги саволга жавобан Навроцкий “Россия исталган нарсага агрессив муносабат билдириши мумкин”лигини айтди.

Польша аввал ҳам камида ўз ҳудудида АҚШнинг ядро қуролини жойлаштиришга тайёр эканини бир неча бор билдирган. Хусусан, мамлакатнинг аввалги президенти Анжей Дуда 2025 йил баҳорида шундай таклиф билан чиққан эди. Ўшанда у Россия агрессиясини жиловлаш мақсадида АҚШни ядро каллакларини Польша ҳудудига кўчиришга чақирган.

Кимда қанча ядро қуроли бор?

Дунё бўйича ҳозирда тўққизта давлатда ядро қуроллари мавжуд. Шулардан бештаси — Буюк Британия, Хитой, Россия, АҚШ ва Франция ҳисобланади. Улар расмий ядро давлатлари мақомини олган, бу мақом 1968 йилги Ядро қуролини тарқатмаслик тўғрисидаги шартномада белгиланган.

2025 йил январь ҳолатига кўра, дунёда 12 241 та ядровий каллак мавжуд эди. Барча ядро қуроллари захираларининг қарийб 90 фоизи ва ҳисобдан чиқарилган барча жанговар каллаклар Россия (4 309 та)ва АҚШ ҳиссасига (3 700 та)тўғри келади.

Хитой арсеналида 600 та жанговар каллак мавжуд. Хитойнинг захиралари бошқа ядровий давлатларга қараганда тезроқ ўсиб бормоқда (2023 йилдан бери йилига тахминан 100 та жанговар каллак). 2030 йилларнинг бошига келиб Хитой Россия ва АҚШда бўлгани каби кўплаб қитъалараро баллистик ракеталарни қуриши мумкин. Аммо Пекин 2035 йилга келиб 1,5 мингта ядровий каллакка эга бўлса ҳам, бу Вашингтон ва Москвага нисбатан атиги учдан бир қисмни ташкил этади.