Саудия Арабистонининг “Ал-Наср” клуби ва Португалия терма жамоаси ҳужумчиси Криштиану Роналду Англиянинг “Манчестер Юнайтед” клубига қайтиш вариантини кўриб чиқмоқда. Бу ҳақда Topskills Sports UK хабар берди.
Манбага кўра, португалиялик футболчининг “Олд Траффорд”га қайтиши масаласи бўйича Роналдунинг яқин атрофидагилар билан дастлабки музокаралар аллақачон бошланган.
Хабарларда айтилишича, беш карра “Олтин тўп” соҳиби “Манчестер Юнайтед”га ўтиш учун маошини камайтиришга тайёр. Агар музокаралар муваффақиятли якунланса, Роналду Саудия Арабистонини тарк этиб, яна “қизил иблислар” сафида тўп суриши мумкин.
