Давлат хавфсизлик хизмати томонидан гиёҳвандлик воситалари ва кучли таъсир қилувчи дори воситаларининг ноқонуний айланмасига қарши кураш доирасида Фарғона вилоятида тезкор тадбир ўтказилди. Тадбир давомида контрабанда йўли билан олиб кирилган дори воситалари аниқланди.
Қайд этилишича, Қўқон шаҳрида ҳаракатланаётган Gentra тўхтатилиб, кўздан кечирилганда машинада йўловчи сифатида кетаётган, 1994-йилда туғилган, Қўқон шаҳрида истиқомат қилувчи шахсга тегишли 2 797 дона “Регапен” кучли таъсир қилувчи дори воситаси аниқланган.
Маълум бўлишича, ушбу дори воситалари Қирғизистондан контрабанда йўли билан олиб келинган. Аниқланган ҳолат белгиланган тартибда расмийлаштирилиб, дори воситалари ашёвий далил сифатида олинган.
Мазкур ҳолат юзасидан фуқаро X.га нисбатан Жиноят кодексининг 251¹-моддаси бешинчи қисми билан жиноят иши қўзғатилди. Ҳозирда унга нисбатан қамоқ эҳтиёт чораси қўлланилган бўлиб, тергов ҳаракатлари олиб борилмоқда.
