Саудия Арабистонининг “Ан-Насср” ҳамда Португалия терма жамоаси ҳужумчиси Криштиану Роналду журналист Пирс Морган билан суҳбатда собиқ жамоаси — “Манчестер Юнайтед”нинг ҳозирги аҳволи ҳақида ачиниш билан гапирди.
“Клубнинг ҳозирги кундаги ҳолати мени жуда ранжитади. Бу — дунёдаги энг катта жамоалардан бири ва ҳануз мен учун қадрли. Келажак учун пойдевор қўйиш керак, бунинг учун билимли ва ақлли инсонларни тинглаш лозим. Олдин ‘Манчестер Юнайтед’да Ники Батт, Гари Невилл, Рой Кин, Бекҳэм каби футболчилар бор эди. Улар кучли тизим ва яхши йўлга қўйилган ёшлар дастури ичида улғайишган.
Ҳозир эса клубда бундай тизим йўқ. Умид қиламанки, бу ҳолат қачондир ўзгаради, чунки ‘Манчестер Юнайтедъда улкан салоҳият бор. Бу сўнгги юз йилликдаги энг катта клублардан бири.
Албатта, мен учун бу оғриқли. Мен бу клубда йиллар давомида ўйнадим, Чемпионлар Лигасини, ‘Олтин тўп’ни ва ўнлаб совринларни қўлга киритдим. ‘Юнайтед’ ҳануз юрагимда. Аммо ростини айтганда, улар тўғри йўлдан кетмаяпти. Ўзгариш зарур. Буни фақат мураббий ёки футболчиларда қила олмайди”, деди Роналду.
