2026 йил январь-август ойларида Ўзбекистон 322,3 млн долларлик газ экспортини амалга оширди. Статистика қўмитаси мазкур кўрсаткич 2025 йил мос даврига нисбатан 34,8 фоизга камайганини билдирди.
Мамлакат саккиз ой давомида жами қиймати 1,21 млрд долларлик газ импорт қилган. Бу бир йил аввалгига қараганда 15,2 фоизга кўп.
Импорт газ таркибининг 124,3 млн доллари пропан ҳиссасига тўғри келган бўлиб, мазкур турдаги газ хариди қарийб 3,5 бараварга ортган.
Аввалроқ жорий йил январь-август ойларида мамлакатда газ қазиб олиш 16 фоизга қисқаргани хабар қилинганди. Саккиз ой мобайнида Ўзбекистонда 24,2 млрд метр куб газ қазиб олинган. Мазкур кўрсаткич 2024 йил мос даврида 28,9 млрд метр куб, 2025 йил дастлабки саккиз ойида 30,1 млрд метр куб бўлган.
