Ўзбекистон Республикаси Давлат байроғи қабул қилинганлигининг 34 йиллиги муносабати билан эртага, 18 ноябрь куни Тошкент шаҳрининг асосий кўчаларида Мудофаа вазирлиги ва Миллий гвардия ҳарбий бўлинмаларининг намойишкорона пиёда юришлари бўлиб ўтади. Бу ҳақда Мудофаа вазирлиги хабар берди.
Ҳарбий бўлинмаларнинг пиёда юришлари “Ғалаба боғи” ёдгорлик мажмуасида соат 15:00 да кўргазмали чиқишлар билан бошланади.
“Ғалаба боғи” ёдгорлик мажмуаси (Сағбон ва Зарқайнар кўчалари орқали) – Ўзбекистон давлат табиат музейи – “Чорсу” бозори – Тошкент сирки (Зарқайнар кўчаси) – “Халқлар дўстлиги” санъат саройи (Ўзбекситон шоҳ кўчаси ва Фурқат кўчаси) йўналиши бўйлаб ҳаракатланган ҳарбий бўлинмаларнинг “Халқлар дўстлиги” санъат саройи майдонида ҳарбий хизматчиларнинг кўргазмали чиқишлари, бўлинмаларнинг жанговар чақириғи, ҳарбий оркестрнинг дифеле намойишлари ижро этилади.
Эртага, 18 ноябрь куни пойтахтнинг қуйида келтирилган кўчаларида соат 15:00 дан соат 17:00 гача бўлган вақт оралиғида автотранспорт воситалари ҳаракати вақтинчалик чекланади:
- Қорақамиш – Сағбон кўчалари чорраҳасидан, Сағбон кўчаси бўйлаб КХАЙ – Сағбон кўчалари кесишган чорраҳасигача;
- КХАЙ – Сағбон кўчалари чорраҳасидан, Сағбон кўчаси бўйлаб Нурафшон – Сағбон кўчалари кесишган чорраҳасигача;
- Нурафшон – Сағбон кўчалари чорраҳасидан, Сағбон кўчаси бўйлаб Фаробий – Сағбон кўчалари кесишган чорраҳасигача;
- Зарқайнар – Сағбон кўчалари айланма ҳаракатидан, Зарқайнар кўчаси бўйлаб Зарқайнар – Алишер Навоий кўчалари кесишган чорраҳасигача;
- Зарқайнар – Алишер Навоий кўчалари кесишган чорраҳасидан, Фурқат кўчаси бўйлаб Фурқат – Ислом Каримов кўчалари кесишган чорраҳасигача;
- Фурқат – Ислом Каримов кўчалари кесишган чорраҳасидан, Фурқат кўчаси бўйлаб Фурқат – Бешёғоч кўчалари кесишган чорраҳасигача.
Ҳайдовчиларга айланма йўллардан фойдаланишни тавсия қилинади.
