Вьетнамда дунёдаги энг катта футбол стадиони бўлиши кутилаётган иншоот қурилиши расман бошланди. Бу ҳақда “Sports Gully” нашри хабар берди.
“Тронг Dong” стадиони деб номланган арена 135 минг томошабинга мўлжалланган. Стадион пойтахт Ханой яқинида йирик спорт ва шаҳарсозлик мажмуаси лойиҳаси доирасида барпо этилмоқда. Қурилиш ишлари 2028 йилда якунланиши режалаштирилган. Лойиҳа амалга ошса, янги арена сиғими бўйича Шимолий Корея ва Ҳиндистондаги энг йирик стадионларни ҳам ортда қолдиради.
Мажмуа замонавий инфратузилмани ўз ичига олган ёпиладиган том конструкцияси, кўп функцияли майдон ҳамда нафақат футбол учрашувлари, балки концертлар, халқаро турнирлар ва йирик маданий тадбирларни ўтказиш имконияти яратилади.
Стадион номи Вьетнам миллий меросининг рамзи ҳисобланган қадимий бронза барабанларига ишора қилади. Расмийлар янги арена мамлакатнинг глобал спорт харитасидаги мавқеини мустаҳкамлашига ҳамда Осиё ва жаҳон миқёсидаги йирик мусобақаларни қабул қилишига хизмат қилишига умид билдирмоқда.
