Бугун, 23 февраль куни Фарғона вилоятининг Олтиариқ туманида кўчатларни сақлаш омбори ёниб кетди. Бу ҳақда Фавқулодда вазиятлар вазирлиги хабар берди.
Қайд этилишича, бугун, 23 февраль соат 13:24 да “112” тизимидан Фарғона вилояти Фавқулодда вазиятлар бошқармасига (ФВБ) Олтиариқ тумани, “Повирғон” маҳалла фуқаролар йиғини Кампикой кўчасида жойлашган дарахт кўчатларини сақлаш омбори, яъни музлаткич ёнаётгани тўғрисида хабар тушган.
Ёнғин жойига Фарғона вилояти ФВБдан 7 та қутқарув бўлинмаси техникаси соат 13:30 да етиб бориб, соат 13:42 да ўраб олинган ва ёнғин соат 14:20 да батамом ўчирилган.
Билдирилишича, ёнғин оқибатида тан жароҳати олганлар йўқ.
