Ўзбекистон Республикаси Ташқи ишлар вазирининг биринчи ўринбосари Бахромжон Аълоев Исроил давлатининг Ўзбекистондаги Фавқулодда ва мухтор элчиси Гидеон Лустиг билан учрашув ўтказди. Бу ҳақда Ташқи ишлар вазирлиги хабар берди.
Суҳбат чоғида икки томонлама ҳамкорликни кенгайтириш чора-тадбирлари, шунингдек долзарб минтақавий масалалар, жумладан Яқин Шарқдаги вазият бўйича атрофлича фикр алмашилган.
Учрашув якунида томонлар ўзаро мулоқотни давом эттириш, икки томонлама ҳамкорликни янада юксалтириш ва мавжуд алоқаларни мустаҳкамлашдан манфаатдор эканини қайд этган.
