2026 йилги Жаҳон чемпионати гуруҳ босқичи якунланганидан сўнг “The Athletic” нашри “Олтин тўп” учун асосий даъвогарлар рейтингини эълон қилди. Нашр экспертларининг фикрига кўра, Аргентина терма жамоаси сардори Лионель Месси ҳозирча энг асосий фаворитга айланган.
Таъкидланишича, Месси мундиалда 6 та гол билан тўпурарлар пойгасида пешқадам бўлиб туриши ва Аргентина терма жамоасининг турнирда чемпион бўлиши эҳтимоли Мессининг “Олтин тўп” учун имкониятларини оширган.
Нашрнинг қайд этишича, Жаҳон чемпионатининг плей-офф босқичидаги ўйинлари ва айниқса 19 июль куни бўлиб ўтадиган финал баҳси “Олтин тўп” соҳибини аниқлашда ҳал қилувчи аҳамият касб этиши мумкин.
Шунингдек, тарихда илк бор “Олтин тўп”ни топшириш маросими Франция пойтахти Парижда эмас, балки Англиянинг Лондон шаҳрида ўтказилади. Маросим 2026 йил 26 октябрь куни бўлиб ўтиши режалаштирилган.
“The Athletic” талқинига кўра, 2026 йилги “Олтин тўп” учун асосий 10 даъвогар:
- Лионель Месси (“Интер Майами”, Аргентина);
- Килиан Мбаппе (“Реал Мадрид”, Франция);
- Усмон Дембеле (ПСЖ, Франция);
- Винисиус Жуниор (“Реал Мадрид”, Бразилия);
- Ҳарри Кейн (“Бавария”, Англия);
- Майкл Олисе (“Бавария”, Франция);
- Ламин Ямаль (“Барселона”, Испания);
- Эрлинг Ҳоланд (“Манчестер Сити”, Норвегия);
- Деклан Райс (“Арсенал”, Англия);
- Луис Диас (“Бавария”, Колумбия).
Эслатиб ўтамиз, 2025 йилги “Олтин тўп” соҳиби ПСЖ ва Франция терма жамоаси ҳужумчиси Усмон Дембеле бўлган эди.
