Ўзбекистон Президенти Шавкат Мирзиёев мустақилликнинг энг катта кучи ва таянчи бўлган бутун ўзбек халқига чуқур миннатдорлик билдирди. Бу ҳақда Президент матбуот котиби Шерзод Асадов маълум қилди.
Қайд этилишича, Президент мустақилликнинг куч-қудрати маданият, санъат ва спортни ривожлантириш йўлида хизмат қилаётган инсонларнинг маҳоратида, ислоҳотлар ижросини ҳар бир маҳалла ва ҳар бир хонадонга етказаётган давлат хизматчиларининг меҳнатида ҳам намоён бўлишини таъкидлаган.
Жойларда одамларни эзгу мақсадлар йўлида бирлаштираётган нуронийлар ва маҳалла фаоллари, халқ осойишталиги ҳамда Ватан тинчлигини таъминлаётган ҳарбийлар ва ҳуқуқ-тартибот ходимларининг жасорати алоҳида қайд этилган.
“Бир сўз билан айтганда, Янги Ўзбекистоннинг энг катта натижаси, бу ўзгарган инсон, ўз кучига ишонган фуқаро, эртанги кунга дахлдорлигини ҳис қилаётган жамиятдир!”, дэган мамлакат етакчиси.
Фидойи ва бунёдкор ватандошлар, мустақилликнинг энг катта кучи ва таянчи бўлган бутун ўзбек халқига чуқур миннатдорлик билдирилган.
Шавкат Мирзиёев, шунингдек, инсон қадри улуғланган, адолат ва тараққиётга таянган Янги Ўзбекистонни барпо этиш йўлидан халқ билан биргаликда дадил борилаётганини таъкидлаган.
