Таниқли Goal нашри France Football томонидан йилнинг энг яхши футболчисига топшириладиган “Олтин тўп” соврини учун даъвогарлар рўйхатини эълон қилди. Унга кўра, Англия терма жамоаси ҳамда “Бавария” клуби ҳужумчиси Ҳарри Кейн асосий фаворит бўлиб турибди.
Иккинчи поғонадан Франция терма жамоаси ҳамда “Реал Мадрид” футболчиси Килиан Мбаппе жой олган. “Манчестер Сити” форварди Эрлинг Ҳоланд эса кучли учликни якунлаб берган. 2025-йилги “Олтин тўп” учун асосий даъвогарлардан бири бўлган Ламин Ямал тўртинчи, Рафинья эса тўққизинчи ўриндан жой олди. Амалдаги ғолиб Усмон Дембеле эса кучли ўнликдан жой олмади.
“Олтин тўп” соврини учун асосий даъвогарлар (топ-10)
- Ҳарри Кейн (“Бавария”);
- Килиан Мбаппе (“Реал Мадрид”);
- Эрлинг Ҳоланд (“Манчестер Сити”);
- Ламин Ямал (“Барселона”);
- Майкл Олисе (“Бавария”);
- Витиня (“ПСЖ”);
- Деклан Райс (“Арсенал”);
- Луис Диас (“Бавария”);
- Рафинья (“Барселона”);
- Лионель Месси (“Интер Майами”).
Маълумот учун, амалдаги “Олтин тўп” соҳиби Усмон Дембеле ҳисобланади. “ПСЖ” вингери ўтган мавсум парижликлар сафида Франция чемпионати ва Европа Чемпионлар Лигасида ғалаба қозонди. Шунингдек, у 2025 йил якунида FIFA Қитъалараро Кубоги, 2026 йил ҳисобидан эса Франция Суперкубогини қўлга киритди.
