“Олтин тўп” учун 30 нафар расмий даъвогар эълон қилингач, The Athletic нашри мукофотни қўлга киритши кутилаётган футболчилар рейтингини тақдим этди.
Нашр муаллифлари фикрига кўра, Англия терма жамоаси сардори ва Мюнхеннинг “Бавария” клуби ҳужумчиси Ҳарри Кейн айни пайтда нуфузли индивидуал мукофотни қўлга киритиш учун энг катта имкониятга эга.
Ҳужумчи ўтган мавсумда Германия гранди сафида 61 та гол урди ва Европанинг “Олтин бутса” мукофотига сазовор бўлди.
Бундан ташқари, Кейн Англия терма жамоаси сардори сифатида жамоасининг ЖЧ-2026 бронза медалларини қўлга киритишига ёрдам берди.
The Athletic талқинига кўра “Олтин тўп” учун топ-10 даъвогар
- 1. Ҳарри Кейн (“Бавария”)
- 2. Майкл Олисе (“Бавария”)
- 3. Родри Эрнандес (“Барселона”)
- 4. Килиан Мбаппе (“Реал Мадрид”)
- 5. Эрлинг Ҳоланд (“Манчестер Сити”)
- 6. Хвича Кварацхелия (“ПСЖ”)
- 7. Ламин Ямал (“Барселона”)
- 8. Луис Диас (“Бавария”)
- 9. Жуд Беллингем (“Реал Мадрид”)
- 10. Лионель Месси (“Интер Майами”)
2026 йилги “Олтин тўп” тақдирлаш маросими тарихда илк бор Парижда эмас, Лондонда бўлиб ўтади. Мукофотнинг илк соҳиби, 70 йил аввал ушбу совринни қўлга киритган англиялик Стенли Метюз шарафига мезбон сифатида Британия пойтахти танланган. Ғолиб номи 26 октябрь куни маълум бўлади.
