Аргентина терма жамоаси ҳужумчиси Лионель Месси Халқаро футбол тарихи ва статистикаси федерацияси (IFFHS) томонидан 2026 йилги Жаҳон чемпионатининг энг яхши футболчиси деб топилди. Бу ҳақда ташкилот матбуот хизмати маълум қилди.
Месси турнир давомида саккизта учрашувда майдонга тушиб, саккизта гол урди ва тўртта голли узатмани амалга оширди. Аргентина терма жамоаси финалда Испанияга қўшимча вақтда 1:0 ҳисобида мағлуб бўлиб, мусобақани кумуш медаллар билан якунлади.
“Федерация комиссияси ушбу қарорни фақат статистик маълумотларга таяниб қабул қилди. Лионель Месси IFFHS талқинига кўра турнирнинг энг яхши футболчиси деб топилди. Бу қарор фикрлар ёки обрў-эътиборга эмас, балки ишончли ва холис статистик маълумотларга асосланган”, дейилади ташкилот баёнотида.
39 ёшли Месси ўз фаолиятида олтинчи марта Жаҳон чемпионатида иштирок этди. У турнир якунига қадар Жаҳон чемпионатлари тарихидаги умумий ҳисобдаги голлари сонини 21 тага, голли узатмалари сонини эса 11 тага етказиб, ҳар икки кўрсаткич бўйича янги рекорд ўрнатди.
Шу билан бирга, Жаҳон чемпионатлари тарихидаги энг яхши тўпурарлар рўйхатида Мессини Франция терма жамоаси ҳужумчиси Килиан Мбаппе (22 гол) ортда қолдирмоқда.
