Португалия терма жамоаси ҳужумчиси Криштиану Роналду Жаҳон чемпионатининг плей-офф баҳсларида майдонга тушган энг ёши катта футболчига айланди. 41 ёш-у 147 кунлик Роналду мазкур натижани Хорватияга қарши 1/8 финал учрашувида қайд этди.
Шу тариқа, у Англия терма жамоасининг собиқ дарвозабони Питер Шилтонга тегишли рекордни янгилади. Шилтон бу натижани 1990 йилги Жаҳон чемпионатида учинчи ўрин учун ўйинда 40 ёш-у 292 кунлигида майдонга тушиб ўрнатган эди.
Шунингдек, Криштиану Роналду Хорватияга қарши баҳсда пенальтидан гол уриб, Жаҳон чемпионатларининг плей-офф баҳсларидаги илк голини урди. Ушбу ўйинда Португалия Хорватияни 2:1 ҳисобида мағлубиятга учратиб, нимчорак финал босқичига чиқди.
Маълумот учун, 2026 йилги Жаҳон чемпионати АҚШ, Канада ва Мексика мезбонлигида ўтказилмоқда. Мусобақа жорий йилнинг 19 июль кунига қадар давом этади.
