Самарқанд вилоятида олиб борилган суриштирув ишлари натижасида сохта давлат рақам белгиларини ясаб, ҳайдовчиларга сотаётган шахслар аниқланди. Бу ҳақда Ички ишлар вазирлиги хабар берди.
Маьлум қилинишича, Самарқанд шахар Мирзо Улуғбек кўчаси Қарши йўли маҳалласида яшовчи 2 нафар фуқаро 30 дан ортиқ сохта давлат рақам белгиларини ўзбошимчалик билан ясаб, маьлум пуллар эвазига фуқароларга сотиб келган.
Шунингдек, улар ушбу ноқонуний фаолият билан 1 ойдан буён шуғулланиб келаётгани аниқданган. Тадбир давомида сохта давлат рақам белгилари ҳудуддаги 5-сонли ички ишлар бўлимига олиб борилган ҳамда ҳуқуқбузарлар билан тушунтириш ишлари ўтказилган.
“Автотранспорт воситалари учун давлат рақам белгиларини ижтимоий тармоқлар орқали ўрганиб, ясашни бошладик. Шуниндек машиналарнинг орқасига “борт” ҳам ясаб бердик. Кейинчалик Instagram’да саҳифа очиб, ишимизни реклама қилдик. Сўнг рекламалар орқали сотишни бошладик. Республика бўйича 30 дан ортиқ фуқароларга автотранспорт рақамига ўхшаган сувинер номерни ҳар бирини 200 минг сўмдан сотдик. Бунинг ортидан тахминан 8-9 млн сўм атрофида пул топдик. Бу ишнинг қонунга ҳилоф эканлигини ички ишлар бўлимига келиб билдик. Ҳозир қилган бу ишимиздан жуда афсусдамиз. Ҳеч кимга бундай қилишни тафсия қилмаймиз”, дейди гумонланувчилардан бири.
Ушбу ҳолат юзасидан Самарқанд шахри бўйича Ички ишлар органлари фаолиятини мувофиқлаштириш бошқармаси томонидан дастлабки суриштирув ишлари олиб борилмоқда.
