Тошкент шаҳар Яшнобод туманидаги хонадонларнинг бирида аёлга нисбатан шаҳвоний шилқимлик қилган 27 ёшли эркак 3 суткага қамалди.
Ҳужжатда келтирилишича, жорий йилнинг 7 апрель куни 1998 йилда туғилган С.Т. Яшнобод тумани Фарғона йўли кўчасидаги хонадонларнинг бирида Н.С. га нисбатан тегажоғлик қилган. Хусусан, унинг аёл танасининг турли қисмларидан ушлагани ҳамда шаҳвоний шилқимлик қилгани аниқланган.
Кеча, 14 апрель куни Жиноят ишлари бўйича Яшнобод туман судида мазкур иш кўриб чиқилган. Судда ҳуқуқбузар С.Т. юқоридагиларни қисман тасдиқлаб, бошқа бундай ҳолатни такрорламаслигини билдирган ва ўзига нисбатан енгилроқ жазо тайинлашни сўраган.
Суд қарори билан С.Т. га Маъмурий жавобгарлик тўғрисидаги кодексининг 41-1-моддаси (Шаҳвоний шилқимлик қилиш) 1-қисмига асосан 3 сутка маъмурий қамоқ жазоси тайинланган.
