Бугун, 1 апрелга ўтар кечаси Қозоғистон шимолидаги Сергеевка сув омбори тошиб кетди. Бу ҳақда “Власть” хабар берди.
Қайд этилишича, ҳозирда минтақада тошқин хавфига қарши тайёргарлик кучайтирилган тартибда олиб борилмоқда.
Вилоят ҳокими Гауез Нурмуҳамбетов хавф ҳудудида жойлашган қишлоқда тошқинларга қарши штаб ташкил этишни топширган. У, шунингдек, барча муҳим ҳудудлар – Қизилжар туманидаги ҳимоя иншоотлари, Заречний қишлоғидаги айланма канал ва Петропавловск гидроузели назорат остида эканини таъкидлаган.
Ҳозирги вақтда сув даражаси 8 сантиметрга ошган. Мамлакат гидрометеорология маркази тошқиннинг чўққи даври апрелнинг иккинчи-учинчи ўн кунлигида кутилаётгани ҳақида огоҳлантирган.
Шунингдек, минтақада дарёлардаги сув даражаси кун-у тун кузатилмоқда ва барча зарур кучлар ҳамда воситалар тошқинни олдини олишга йўналтирилган.
