Энди Ўзбекистонда автомобилга “техпаспорт” ҳар 5 йилда алмаштирилади. Бу ҳақда ҳукуматнинг жорий йилнинг 30 март куни қабул қилинган қарори билан Транспорт воситаларини бошқариш ҳуқуқини олган шахсларга йўл ҳаракати қоидалари бузилгани учун жавобгарлик ўтказилгани ҳақида Давлат йўл ҳаракати хавфсизлиги хизмати органларини хабардор қилиш тартиби белгиланди.
Мазкур қарор билан қонун ҳужжатларига киритилган ўзгартиришларга кўра, автомототранспорт воситасини рўйхатдан ўтказиш ҳақидаги гувоҳнома 5 йил муддатга расмийлаштирилиши белгиланди.
Давлат йўл ҳаракати хавфсизлиги хизматига кўра, қарор транспорт воситасининг кузов, двигатель сингари асосий агрегатларининг мавжудлигини инвентаризациядан ўтказиш мақсадида қабул қилинган. Бу тартиб 2026 йил 1 апрелдан кейин олинадиган гувоҳномалар учун татбиқ этилади.
Маълумот учун, амалдаги “техпаспорт”ларда берилган санаси кўрсатилган, лекин амал қилиш муддати кўрсатилмаган. Автомобилларни қайта рўйхатдан ўтказишда БҲМнинг 10 фоизи (ҳозирда 41 200 сўм) миқдорида тўлов ундирилади.
