Навоий вилоятининг Нурота туманида 7,5 минг туп сассиқ коврак ўсимлигига ноқонуний зарар етказилгани аниқланди. Бу ҳақда Экология ва иқлим ўзгариши миллий қўмитаси хабар берди.
Аниқланишича, “Қизилча” маҳалласидаги тоғ массивида Ч.А. ва Э.Б. Сурхондарё вилояти Узун тумани фуқароси Ч.X. раҳбарлигида ёлланма ишчилар гуруҳи билан ёввойи ҳолда ўсувчи сассиқ ковракни ноқонуний кесиб, унинг ширасини йиғиш билан шуғулланган.
Рейд давомида ҳуқуқбузарлардан электрон тарози, ўсимликларни кесиш ва шира йиғиш учун мўлжалланган 9 дона ўткир пичоқ, шунингдек қум аралашган 2 070 грамм ва 220 грамм тоза шира олиб қўйилган.
Бундан ташқари, текширув вақтида “Ф.Э. К.” МЧЖ ҳудудида Ч.X. томонидан вақтинча яшаш учун мўлжалланган 9 та енгил конструкция ноқонуний ўрнатилгани аниқланган. Улар ички ишлар органлари ходимлари иштирокида ҳудуддан белгиланган тартибда олиб чиқилган.
Рейд давомида тўпланган материаллар ҳолатга ҳуқуқий баҳо бериш ва тегишли чораларни кўриш учун масъул ташкилотларга юборилган.
