45 йил олдин бедарак йўқолган Ҳиндистон фуқароси хотираси тиклангач, оиласи билан қайта учрашди. Бу ҳақда Times of India газетаси хабар берди.
Рикҳи Ҳимачал-Прадеш штатининг Сирмаур тумани Сатаун минтақасидаги Нади қишлоғида, Шимладан 120 километр узоқликда туғилган. У 1980 йилда уйидан чиқиб кетиб, Ҳаряна штатининг Ямунанагар шаҳрида жойлашган меҳмонхонада иш бошлаган. Ўша йили у жиддий автоҳалокатга учраган ва бош мия жароҳати олиб, хотирасини йўқотган.
Рикҳининг ота-онаси ўғлининг вафот этганига ишонч ҳосил қилган ва унинг қайтишини кутишмаган. Шу орада йигит Мумбайга кўчиб ўтади, Рави Чаудҳарй деган янги исмни олади, уйланади ва оила қуриб, ўтмишини унутади.
Фақатгина бир неча ой олдин эркак яна бошидан зарба еганидан сўнг болалик хотиралари қайта тиклана бошлайди. Хотинининг ёрдами билан Рикҳи ўзининг қаердан эканини аниқлашга муваффақ бўлган ва ўзи туғилган қишлоғини излаб топган.
15 ноябрь куни эркак ўзидан 1600 км узоқликдаги Нади қишлоғидаги уйига қайтиб, ака-укалари ва опа-сингиллари билан учрашган.
