Axios нашрининг расмийларга таяниб хабар беришича, Пентагон Эронга қарши «ҳал қилувчи зарба» бериш вариантларини ишлаб чиқмоқда.
Нашр манбалари тўртта асосий сценарийни келтиради:
— Эрон нефт экспортининг асосий маркази бўлган Харг оролига бостириб кириш ёки блокада қилиш;
-Эронга Ҳўрмуз бўғози устидан назоратни мустаҳкамлашга ёрдам берадиган Ларак оролига бостириб кириш.«Ушбу стратегик муҳим постда Эрон бункерлари, юк кемаларини портлатишга қодир бўлган қуролли қайиқлар ва бўғоздаги ҳаракатларни кузатувчи радарлар жойлашган», деб тушунтиради Axios;
— стратегик жиҳатдан муҳим Абу Муса оролини ва бўғознинг ғарбий кириш қисми яқинида жойлашган ва Эрон томонидан назорат қилинадиган иккита кичикроқ оролни эгаллаб олиш;
— Ҳўрмуз бўғозининг шарқий қисмида Эрон нефтини экспорт қилувчи кемаларни блокировка қилиш ёки эгаллаб олиш.
Axios маълумотларига кўра, АҚШ ҳарбийлари Эрон ҳудудига чуқурроқ киришни ўз ичига олган қуруқликдаги операциялар режаларини ҳам тайёрлаган.
Мақолада АҚШ президенти ҳали бу сценарийларнинг бирортаси бўйича қарор қабул қилмаганлиги таъкидланган. Оқ уй расмийлари ҳар қандай потенциал қуруқликдаги операцияларни «гипотетик» деб аташади. Бироқ, манбаларга кўра, агар Эрон билан музокаралар аниқ натижаларга олиб келмаса, Америка раҳбари вазиятни кескинлаштиришга тайёр.
