Эрон армияси Бирлашган Араб Амирликлари, Қувайт ва Баҳрайндаги АҚШ ҳарбий объектларига дрон зарбалари берди. Бу ҳақда Press TV хабар берди.
“Эрон армияси БАА ва Қувайтдаги АҚШ базаларига дрон зарбалари берди”, дейилади хабарда.
Шунингдек, зарбалар оқибатида минглаб америкалик денгизчилар Баҳрайнни тарк қилишга мажбур бўлишган.
БАА Энергетика, Сув ресурслари ва Қайта тикланувчи энергия вазирлиги маълумотларига кўра, Эрон дронлари зарбаси ортидан икки электр станцияси ва сувни шўрликдан тозалаш иншоотларига зарар етган. Вазирликнинг қўшимча қилишича, зарбалар давомида ҳеч ким жабрланмаган.
