Бугун, 15 апрель куни Ўзбекистон Республикасида хизмат кўрсатган артист Доно Бобоханова 80 ёшида оламдан ўтди. Бу ҳақда Ўзбекистон давлат драма театри хабар берди.
Маълумот учун, Доно Бобохонова 1946 йил 20 ноябрда Қозоғистонда туғилган. У Тошкент театр ва рассомлик институтини тамомлаб, фаолиятини “Ёш гвардиячилар” театрида бошлаган. 1996 йили “Ўзбекистон Республикасида хизмат кўрсатган артист” фахрий унвони билан тақдирланган.
Актриса миллий саҳна санъати ривожига улкан ҳисса қўшган ҳамда бетакрор образлар яратган. Шунингдек, ижоди давомида “Тилим қурсин”, “Чол ва набира”, “Берлин-Оққўрғон” каби кўплаб фильмларда маҳоратли роль ижро этган. Доно Бобохонова тўққиз набира ва тўрт эваранинг бувиси эди.
