Ўзбекистон U-17 терма жамоаси футболчилар Садриддин Ҳасанов ҳамда Сайфиддин Содиқов фаолиятини Португалиянинг “Брага” клубида давом эттириши мумкин. Манбаларга кўра, футболчилар яқин вақт ичида Португалияга кўрик учун учиб кетади.
“Брага” Португалиянинг энг номдор клубларидан бўлиб, 1921-йилда ташкил топган. Жамоа ҳозирга қадар 3 марта Португалия чемпионатида, 3 марта мамлакат кубогида ғалаба қозонган. Ўз вақтида клуб сафида Педро Нето, Рафа Сильва, Франциско Тринкау каби футболчилар тўп тепган.
Маълумот учун, Садриддин Ҳасанов Тошкентнинг “Бунёдкор” клуби тарбияланувчиси ҳисобланади. Футболчи Қатардаги Жаҳон чемпионатида 5 та учрашувда майдонга тушиб, 2 та гол муаллифига айланган. Шунингдек, у 2025 йил Осиёнинг “энг яхши ёш футболчиси” учун даъвогарлар рўйхатидан жой олган. Қолаверса, Ҳасанов “The Guardian” нашри томонидан жаҳон футболидаги энг иқтидорли 60 нафар ёш футболчилардан бири сифатида эътироф этилган.
Сайфиддин Содиқов Тошкентнинг “Олимпик” клуби футболчиси ҳисобланади. Футболчи U-17 Жаҳон чемпионатида 5 та учрашув ўтказиб, 1 гол ҳамда 2 та голли узатма муаллифига айланган.
