Жиззах вилоятида магистраль электр тармоқлари Жиззах филиали ходими гиёҳванд модда билан ушланди. Бу ҳақда Ички ишлар вазирлиги хабар берди.
Маълум бўлишича, Давлат хавфсизлик хизмати Жиззах вилояти бошқармаси, Жиззах вилояти Ички ишлар ва бошқа бошқармалар ҳамкорлигида ўтказилган тезкор тадбирда магистраль электр тармоқлари Жиззах филиали ходими, 1968 йилда туғилган шахс жиноят устида қўлга олинган. У 2 дона гугурт қутига жойланган “марихуана” гиёҳвандлик воситасини сотаётган вақтда ашёвий далиллар билан ушланган.
Шунингдек, унинг яшаш хонадонида 70 дона гугурт қутида бўлган “марихуана” гиёҳвандлик воситасини сотиш мақсадида сақлаб келинаётгани аниқланган.
Ҳолат юзасидан судга оид кимёвий экспертиза тайинланган. Фуқаро Жиноят кодексининг 221- (ушлаб туриш асослари) ва 224-моддаларини (жиноят иши қўзғатилгунга қадар ушлаб туриш тартиби) тартибида бузишда гумонланиб қамоққа олинган.
